- 13 Maj, 2026
- Posted by: Durim Tabaku
- Category: Të rejat
Komisioni i Posaçëm Parlamentar për Reformën Administrativo-Territoriale, me mbështetje nga Projekti Bashki të Forta i Agjencisë Zvicerane për Zhvillim dhe Bashkëpunim SDC (Embassy of Switzerland in Albania, Swiss Development & Cooperation) dhe Qeverisë së Suedisë (Embassy of Sweden in Tirana), zbatuar nga Helvetas, ka dakordësuar protokollin standard të dëgjesave me kryetarët e bashkive sipas qarqeve, në kuadër të procesit konsultativ dhe faktmbledhës për reformën territoriale në Shqipëri.
Dëgjesat do të zhvillohen me bashkëdrejtim nga mazhoranca dhe opozita, duke garantuar:
▪️ Barazi politike në pyetje dhe diskutime
▪️ Standardizim të procesit në të gjitha qarqet
▪️ Fokus te problematikat konkrete të qeverisjes vendore
▪️ Komunikim faktik dhe transparent me publikun
Diskutimet do të organizohen rreth tre shtyllave kryesore:
▪️ Territori dhe qeverisja
▪️ Funksionet, kompetencat dhe shërbimet
▪️ Financat vendore
Çdo kryetar bashkie do të paraqesë qëndrimin institucional dhe propozimet konkrete për përmirësimin e organizimit territorial dhe forcimin e qeverisjes vendore.
Ky proces synon të krijojë një dialog të strukturuar, gjithëpërfshirës dhe të bazuar në evidencë për të ardhmen e reformës administrativo-territoriale në Shqipëri.
Për më shumë shihni kalendarin dhe faqen zyrtare të Komisionit të Posaçëm: https://reformaterritoriale.parlament.al/
